A hun laia Argentina footballer tha ber pawl Boca Juniors, Barcelona leh Villarreal tana lo khel tawh Juan Roman Riquelme chuan a ngaihdan sawiin, Paris Saint-Germain hian Champions League trophy lak theihna hun tha tak an nei mek a, Lionel Messi-a hova UCL chawi theihna hun tha hi an bawhpelh a nih chuan an tan hun tha a hre chhuah a rin tawh loh thu a sawi. 

ESPN-in an interview naah europe a lawmman tamna ber UCL chungchang sawiin Riquelme chuan,"PSG hian Messi awm laia Champions League an chawi thei lo a nih chuan, an chawi ngai tawh lovang," a ti thlawt a. Boca Juniors vice-president, Riquelme hi khawvel player tha ber an zawt a, Riquelme chuan,"Messi hi a tha ber, achhanchu a ni chuan ball a khel tak tak thin," a ti. Messi hian PSG hi Champions League-a hlawhtlinna a chanpui theih chuan Barcelona lama a let leh a rin thu Riquelme hian a sawi bawk. 

Kum 34 mi Lionel Messi hian tun nipui transfer lai khan PSG-ah kum 2 a tan contract a ziak a, 2023 chuan kum 36 a ni ve tawh ang.