ZALEN October 25, 20245 : Report danglam tak an dawn atangin Mizoram Police leh Assam Rifles te chuan drugs tawlhruk tumna thleng khat tak nangchingin Kg 1075 (barrell 43) a tam Caffeine Andhydrous IP chu October 32, 2024 khan Cheng nuai 19.88 man chu Zokhawthar, Champhai District, Mizoram-ah an man a, he damdawi hi Methamphetamine tablets an siamna hmanrua ber a ni.

Operation hi tlai lam dar 6 velah an thudawn danglam tak dawn bawhzuiin hma an la a, Myanmar-a lakluh tum phalloh thil hi an man ta a ni. Mizoram Police leh Assam Rifles te hian hma la nghalin lirthei MZ 01J 1633 chu an nangching a, Caffeine Anhydrous IP tam tham tak hi an man ta a ni.

He smuggling kaihhnawihah hian mi pahnih an man a, an mi rinhlelh Lallawmkima, 34 leh Haudeihkhuala, 32 Zokhawthar mi ve ve chu an mobile phone nen an man a, heng an thil man te hi dan anga bawhzui a nih theih nan Police Department, Zokhawthar hnenah hlan nghal a ni.

Methamphetamine hi 'Ice' tih emaw 'Yaba' emaw tih a sawi thin niin helai bawr vela hian drugs virvel hluar bera chhal a ni a, Kg 1075 zet Caffeine Anhydrous IP hian Methamphetamine tablet Kg sang chuang a siamchhuah thei tura ngaih a ni.