DOWNLOAD OUR APP

Read latest news on your phone
app-store

Mi 22 thihna intlansiak huaihawttute hrem

Jun 13, 2021

Gansu province-a intlansiak huaihawta thite zingah hian ultramarathon champion Liang Jing leh bengngawng chunga intlansiak thin (marathoner) Huang Guanjun te pawh an thi | Intlansiaka telte chuan vawi leh khatah khua a vawt em em thut niin an sawi a. A dam chhuakte chuan thli leh ruah a thawk a, hei hian hun reilo te chhungin boruak a sawi danglam nghal dawrh niin an sawi | Tlang khawkrawk tak taka intlansiak huaihawtah hian a tel mi 172 zet an chin hriat mai a nih loh hnuah intlansiak hi tihtawp nghal a ni a, zawn hna thawh nghal niin tam tak an lo thi a ni | Mi tam tak chuan he intlansiak huaihawttute chu an dem a, khaw awm dan thlir chiang lo leh intlansiaka telte himna ngaihtuah lova thil an huaihawt chu an sawisel nasa hle |

May 22-a China rama Gansu province hmarthlang lama km 100 intlansiakna neih laia khaw vawtin a nanchin thut vanga mi 21 thihna thleng avangin mawphurtute sorkarin a hrem.

China chuan sorkarin intlansiak hautak bik (ultramarathon) a buatsaiha mawhphurtu mi 27-te chu hrem an ni tih sorkar enkawl People’s Daily chuan a tar lang.

Intihsiakna khirh taka chhiatna thleng hi infiamna huanga chhiat tawhna rapthlak ber zingah a tel nghal.

Intlansiakna bul an tanna hmun Jingtai county-a an hotunu chu bân a ni.

Jingtai county huam chhung khawpui Baiyin-a an mayor leh Communist party chief pawh thiam loh chantir zingah hian a tel a. Mi dangte pawh an nihna atanga tlakhniamtirte leh thunun theih tura vaukhan an ni hlawm.

Jingtai county party chief Li Zuobi chu June 9 khan a chenna inchhawng atanga tlain a thi a. Police-te chuan a thih chhan hi mi dang an inrawlh lo niin an ngai nachungin chhuichianna an neih chhunzawm zel thung a. A thihchhan hi ultramarathon nena inkaihhnawih a nih leh nih loh a chiang lo.

Ultramaration chhiat tawhna chhuitute chuan thli thaw nasa lutuk vangte, ruahsur nasa leh sik leh sa inthlak danglam thut vangin mipuiten sahimna an hmuzo lova. Tin, a buatsaihtuten an kalpui dan chu him tawk lo leh mumal lo niin an sawi.

China rama infiamna kawnga thuneitute chuan karhmasa khan an rama infiamna chi tlema mihringte tana hlauhawm deuh zawng zawngte chu an khap lailawk thu an puang a. Heng zingah hian desert trail sports, wingsuit flying leh ultra-long distance running-te a tel.

Share now