ZALEN Dec. 5. 2024; Lawngtlai Auto Rickshaw Owners Association Member te chu nimin khan an hlawhchhuahte midang tanpuinan an chhungkhawm.

Nikum khan Lawngtlai Auto Rickshaw Owners Association chuan hunpui lo thleng turah chanhai riangvaite tan an nikhat thawhchhuah chu chhungkhawmin veng hrang hranga khawsak harsa zualte an lo tanpui tawh a, Rs. Nuai 2 chuang an lo chhungkhawm tawh.

Lawngtlai Auto Rickshaw Owners Association President C. Zathianga chuan nikum lama an lo tih tawh chu zawngchhangthlak an tiin, midang tan luanchhuahna remchang siam leh an ni tih sawiin, Lawngtlai Auto Rickshaw Owners Association kaltlanga midang tana tanpuina petute chungah lawmthu a sawi.

Lawngtlai Auto Rickshaw te midang tanpui nana an chetchhuahna ah hian Auto Rickshaw hmangtuten an remchan ang ang, tlem lua leh tamlua awmlova Auto Rickshaw an hmanna an pek leh khawpui lunlaia bawm an dawh a tlingkhawmte chu Association lamin an chinfel hun ah Lawngtlai a veng hrang hranga Branch YLA te nen inrawntlangin tanpuingaite hi an tanpui leh dawn a, hei bakah hian Lawngtlai a damdawiin pathum awm te leh Lairam Motherless Home ah te tanpuina pek an tum bawk.