Mite chuan milar te hi tha famkim turin an beisei tlangpui thin a, chutih rualin mihring ve mai chak lohna leh harsatna ngah ve tak an ni. Mihring an nih ve miau avangin an nunah tihsual pawh an ngah ve thin hle a. Zaithiam leh lemchan thiam nun uluk lo leh chapo zual thenkhat phei chuan tual hial an that tawh a ni. 

Milar thenkhat phei chu tual an that ngei tih pawh finfiah theih chiah a nilo chungin court lamah an inlan a ngai fo thin a. Dik tak chuan tualthata puh an nih tawh chuan an hmingthatna ten a liam san a, an career thlengin a chhiat phah vek thin. An hun tawn avangin an hmingthatna te chu lak kian sak an ni a, celeb tam tak te chuan jail run thim an belh phah a, chutiang hnuah zet chuan an hlawhtlinna leh hmingthatna te chu lak let leh rual a ni tawh lo. 

A then hi chu sual vanga inthahna ni bawk mah se thenkhat erawh chet sual palh vang liau liau a thleng niin a lang. Tualthatu milar 5 zingah hian Snoop Dogg, Don King, Brandy Norwood te pawh a tel.

Paul Kelly
Thu lakna: ABC
Paul Kelly hi naupan lai atanga lemchang thin a ni a, a hnuah stage, film leh television actor angin star lian tak a ni chho ta a ni. Acting thiam hmingthang tak niin a hunlai chuan a lar hman hle a, mahse kum 1927 khan musical comedy actor Ray Raymond a thah vangin man a ni. 

An sawi dan chuan Kelly hian Raymond-a nupui Dorothy Mackaye chu a lo chu-e-kha deuh thin a ni awm e. An inbiak vel dan chu duh lovin Raymond leh Kelly te telephone hmangin an inhau a, a hnu deuhah Raymond-a te in ah an pahnih chuan an insual ta a, Kelly chuan Raymond-a chu na taka hliamin a kalsan a, a hnu ni hnihah Raymond chu a hliam tuar lovin a thi a ni. 

Kelly hi man nghal a ni a, kum 10 chhung hrem tura tih a ni a, mahse thla 25 bak a tang lo thung. A tanna San Quentin atanga a rawn chhuah hnu chuan Raymond-a nupui Dorothy MacKaye nen chuan an innei leh a ni. 

Don King
Thu lakna: ESPN
Boxing promoter Don King hi boxer lar tak tak te nen an thawk ho tawh a, chung zingah chuan Mike Tyson leh Muhammad Ali te pawh an tel. Mahse tharum thawhna leh sual rawngbawlna thilah pawh a mikhual lo hle thung. April 20, 1966 khan King hian bar pakhata hnathawk thin Sam Garrett nen chuan an inchawi a, Garrett-a’n a pawisa chawi $600  a pek duh loh vangin King chuan kut thlakin a hnuah a boral zui a, second-degree murder awrh tir niin mi thah thubuai nep tak siam sak a ni a, kum li chhung jail tang tura hremna pek a ni.

Phil Spector
Thu lakna: TMZ
Record producer Phil Spector hian kum 2003 khan actress Lana Clarkson-i hmuiah silai chuktuahin a kap nia puh a ni. Hemi zan hian Phil hian zu a rui a, a ngaihzawng Clarkson-i hian a hmangaihna a hnawl sak vangin a silai chuan a kap ta mai niin an sawi. 

Silai a puah hnu hioan Phil chuan a driver hnenah, ‘Mi tu emaw chu ka that niin ka hria’ a ti a, a tualthah thubuai hi hun rei tak chhung ngaihtuah niin kum 2009 khan thiamloh chantir niin kum 19 chhung jail tang turin a chungthu rel sak a ni. 

Court-ah chuan Spector-a lam tang te chuan Spector chu sawi fihlim an tum nasa hle a, a driver sap tawng thiam lo chuan Spector-a au thawm chu a bula tuikhuah aṭanga a hriat thu leh mahni sahimna ngaihtuah vanga a tih nia a rin thu a sawi a, mahse roreltute chuan Spector-a leh a lam tangte thusawi hi an ring thei lo thung. 

Brandy Norwood
Thu lakna: The Shade Room        

R&B singer Brandy (a hming dik tak Brandy Norwood) chuan December 2006 khan driver Awatef Aboudihaj chu car hnung lamin a su vak mai a, Aboudihaj hian a chesualnaah hian “hliam na tak” tuarin a boral zui a ni. Mahse, he hla phuah thiam hian he chetsualnaah  hian hliam a tuar lo thung a, vanneih thlak takin lirthei a khalh lai hian a harhfim hlauh a, court chuan vanduai vang liau liaua thlengah ngaiin thiam a chantir a thubuai an siamsak lo a ni.  A hnuah Aboudihaj-a chhungte hnenah a tawrhpui thu te a thawn leh a ni.

Snoop Dogg
Thu lakna: snoopdogg/Instagram 
Rap legend Snoop Dogg leh a bodyguard McKinley Lee te chu August 1993 khan an hmelma gang member Phillip Woldermarian thah thubuai siamsak an ni. Los Angeles-a veng pakhatah lirtheia an chuan laiin Snoop Dogg leh Lee te hi passenger seat-ah an thu a, an tlan laiin  tlangval rual khat nen an in hnial buai a, an inbakkaih hnu rei vak lovah boruak a rawn lian chho a, Woldermarian chuan silai a phawrh ta mai a ni. 

Snoop Dogg-a bodyguard Lee chu cherang zawkin silai kengtu Phillip Woldermarian chu a kap nghal pawp a, a boral zui. Johnnie Cochran-a chu O.J.-a member niin Simpson’s defense team an din a, kum thum chhung trial neih chhung zawng khan Snoop Dogg leh Lee te aiawhin an ding a, mah se a tawpah an pahnih hian thubuai an awrh ta tho a ni.