March 22, 2023; Nimin khan Mizoram Merchant Association (MIMA) chuan Chief Minister Lalduhoma hmuin Mizo ram leh hnam tan ILP Board din nise tiin rawtna a thlen.

ILP enkawltu board hran awm a hun hle tawh thu te, ILP pek danah leh pek tawhten an ngaihsak zui loh thin avang te, an ILP dam leh dam loh ngaihtuah zui lovin, Sponsor-tute lahin an ngaihtuah zui bawk si loh chungchangte CM hnenah hian an thlen a ni.

Mizoten dan tha tak kan neih 2yrs. Validity ILP, hnamdang tana neih hleih theih loh turte pawh hnamdang nei tam tak an awm tawh thute an thlen bawk a. MIMA chuan ILP renew lova awm mai mai an tam avangin, Mizoram in ILP hmanga sum a hmuh tur pawh a hmu pha lo hleah a ngai a. Dan lova lo lut an tam tak lutuk avangte in ILP Board hi din tul hle tawh ah an ngai.

"Mizoramah dan lova lo lut hnamdang (vai) an tam ta hle mai a, heng mite hian Mizoram hmun hrang hrangah sumdawngin dawr an siam mai bakah, mizo hming hawhin dawr an siam a, Iron and Cement zuarah ngat phei chuan, mizo hming hawha vaiin dawr an siam hi dawr 90 vel a ni tawha hriat a ni," tiin an tarlang a, kan mizopui thenkhat te, sum tlemte uma vai hnena hming hawhtir tawh lo turin a ngen a. MIMA chuan hei hi mizo hnam hralhna ang hialah a ngai a ni.