Aizawl: Assembly Deputy Speaker atanga bang Tuikum bialtu MLA Er. Lalrinawma chu tunkar December 20, Thawhlehni hian minister atan lakluh a ni dawn. Er. Lalrinawma hi Thawhlehni chawhma dar 11 ah Raj Bhavan-ah thutiam tira lakluh a ni dawn a, Larsap Dr. Hari Babu Kambhampati chuan thu a tiamtir dawn a ni. 

Minister of State Dr. K. Beichhua chuan December ni 13, 2022 Thawhlehni khan Minister of State a nihna atanga banna a lo thehlut tawh a, a hmun ruakah hian Er. Lalrinawma hi dah a ni dawn a ni. Hetihlai hian Dy. Speaker tur erawh tihfel a la awm lo nia thudawn niin, Lawngtlai East bialtu MLA H. Biakzauva chu Dy Speaker ni tura rinkai ber nia hriat a ni.