Aizawl December 19, 2023: Ministry of External Affairs, Govt. of India Joint Secretary Vanlalvawna chuan Mizoram Tourism Minister thar Lalrinpuiia chu vawiin khan a Pisa-ah hmuin lawmpuina a hlan a, Tourism Department hotute nen Mizoram Tourism industry-in hmalak tul a neihte sawi ho a ni.

Meeting-ah hian Mizoramin Tourism-ah hma eng tak a neih te, kawng hrang hranga hmasawnna awm thei te, Eco-Tourism-a hmasawnna tur te, Five Star Hotel Mizoramin a mamawh dan te, International Exposure neih theih dan tur leh India ram chhung mai ni lo ram pawn thlenga thawhpui tur zawn kawnga hmalak tulte sawi ho a ni a. Tourism Industry chawisan leh tihhmasawn kawnga T -3 (Tourism, Technology leh Transportation) pawimawhnate pawh sawi ho a ni bawk.

He hunah hian Tourism Secretary Dr. Lalrozama leh Jt. Secretary V. Lalengmawia bakah Tourism Department hotu dangte an tel a ni.