DOWNLOAD OUR APP

Read latest news on your phone
app-store

MIPA LEH PROSTRATE NATNA

Feb 22, 2014

MIPA LEH PROSTRATE NATNA

Hmanni lawkah ka thawhpuipa pakhatin min rawn phone a. Khawsik sang tak a neih thu leh zun a harsat thu min rawn hrilh a. Na chhawkna leh antibiotic thenkhatte a ei hnu pawhin a na a reh thei chuang lova. Doctor hnena inentir vat turin thu rawn ka lo pe a. A va in entir chuan, a daktor chuan test thenkhat te lo la in DRE (Digital Rectal Examination) te a lo lak sak a. Hei hi a prostrate gland a vun leh vun lo enna awlsam tak a ni a. test te an zawh hnu chuan damdawi thenkhat te pe in a daktor chuan ni engemawzat chawl turin a ti a. Two-wheeler / Bike khalh hrih lo turin a ti bawk a. A inentirna chanchin min hrilh chhawn chuan acute prostrate enlargement a nei tih ka lo hrilh a, a hmaa a la tawn ngai loh avangin a lo la hre ngai lova. A hmasa bera ka sawi duh chu, mi kum 40 a lo tlin hian prostrate hi a thang tan ta thin a. Kum 50 pelh hnuah phei chuan, mipa zinga 50% te hian prostrate na an nei thin. Kum 60 an tlin phei chuan, 60% vel hian prostrate na nei angin an chhut chhuak a. Khawvel puma mipa zingah prostrate cancer vei mi 2,30,000 lai hmuhchhuah thar ziah anga chhut a ni. Chung zingah chuan mi 30,000 velin an thihpui thin. Eng nge prostrate chu? Prostrate chu mipa chauhin an nei a. Sex organ an tihte zinga tel a ni. “Man gland’ te pawh an tih phah a. Grep bawr leih a ang ber a. Small gland an tih mai ‘acin’ 20 atanga 60 awmkhawm a ni. Inches chanve atanga inches khat vela sei a ni a, gram 10-15 vela rit a ni. Khawkherh pianzia ang deuh nei a ni a. Pyramid ang deuh, phing leh urine pipe bula awm a ni a. Urine pipe a tuam a ni. Mipa chi chhuahna pipe hi prostrate gland-ah a kaltlang a, urine pipe (zun lo chhuahna) a zawm a ni. Prostrate gland a lo len a, a lo vun chuan, zun rawn chhuahna tur kawng kha a dang ping a, chuvang chuan zunram thiar dawnin a na thin a, zun mai pawh a harsa thin. Sexologist (sex lam zir mi) te chuan prostrate hi mipa G-spot an ti a. Prostrate tih thumal hi Greek tawng atanga lak a ni a, ‘a hmaa ding emaw hmalam thlirtu’ tihna a ni. Hmeichhiate hian prostrate gland an nei lo niin an ngai thin a. Amaherawhchu tun hnai mai khan scientist (mithiamte) chuan hmeichhia pawh hian prostrate, “SCAINS” an tih mai chu nei ve niin an sawi a. A nihna dik tak hre tur chuan zir chian leh deuh a la ngai dawn a ni. Prostrate natna kan tih mai hi chi thum (3) a awm a : 1) BPH (Beniel prostrate): Hei hi prostrate natna a lo lan chhuah tirh a a hming a ni. 2) Prostatitis: Acute leh chronic a awm a. Acute prostatitis hi mipa, la upa vak lo natna ni deuha ngaih a ni. A lo lan chhuah dan chu, zun laia nate, hnai mipa serh atanga lo chhuak te, hnungzang hnuai lampang leh tai nate a ni. Bacterial infection a tel chuan khawsik pawh a siam thin bawk. STD (Sexually transmitted disease) nena hriat pawlh loh tur a ni. He natna enkawl nan hian allopathy leh damdawi dangte a awm a ni. 3) Prostrate cancer: Hei hi mipa upa lam deuhin an vei thin . Biopsy hmanga hmuhchhuah theih a ni. A lo nat chhuah dan chu Prostatitis nen khian a inang hle a ni. Prostrate cancer hi chi hnih(2) a awm a. Chungte chu (i) Clinical leh (ii) non-clinical te an ni. Heng natna lo lanchhuah dan te lo sawi dawn ila. Zun laia na, zun harsat, tlem tetea vawi tam tak zing taka zun te, tai na, zun ip thei lo, zung zo thei lo te, zan lama zung chhen te, zun chhuah tawh lutuk laia zung chhuak mai thei lo te, zun laklawh laia tawp thut te, zun zawh vek tawh hnua zun tlem tlem lo la far reng te, zuna thisen tel te an ni a. Kal ah lungte awm nen ngaih pawlh a ni thin. A tam zawkah chuan , he natna neite chuan an zun chhen loh nan tui an in tlem phah fo thin. He natna lo awm chhan ber chu mipa kum 50 an tlin hian, hormone thenkhat taksaa awm tea wm zat a inthlak vak thin vang a ni a – testosterone a tla hniam vak a, hormone dang leh, prolastum a rawn sang vak bawk a, hei hian prostrate na a siam thin a ni. ENKAWL DAN THENKHAT TE: Hriselna ngaih pawimawh leh hmeichhiat-mipatna hman fimkhur hi naturopathy lam zir te chuan an ngaipawimawh hle a. hmeichhiat-mipatna hman nasat lutukte tih loh tur a ni a. tui a tam thei ang ber in tur a ni. Kekorte fai chuah hak tur. Tomamto ei tam a tha a. Thlai thar lam ei a tha in, ni tin exer lak a tha bawk. Ayurveda: Ayurveda damdawi tha tak tak a awm a. In lama awlsam taka kan hmuh theih tur tlem azawng kan sawi ang e. 1) Mai mu: Prostrate natna (acute leh chronic) tan a tha em em a. Zir chianna pawh neih tawh a ni. Mai mu ei avanga prostrate na, dam thei tawh lo tura ngaih, dam leh ta sawi tur an awm nual mai. Kei ngei pawh hian sawi tur ka hria a. Mai mu chu rawt dip a, 5grams vel zing tawh hlimah tui nena ei thin tur a ni. 2) Sajana (drum stick) kuang(stem): Tui nena chhum a, ni engemawzat , ni khat ah vawi enge maw zat in tur a ni. 3) Aloe vera: Aloe vera tui leh khawizu inpawlh nitin in tur a ni. 4) Flaxseed (Omega 3 & 6), melon seed powder leh mai mu: Heng te hi a inzat rawt dip a, tui nena chawhpawlh hnua pum ruah laia in tur a ni. 5) Coconut tui leh elaichi powder: Hengte hi chawhpawlh a, a tam thei ang ber in tur a ni. Hei hian prostrate natna hi a tidam thei a ni. Homeopathy lam zir te chuan a natna lan chhuah dan azirin an enkawl thin a. Homeopathy damdawite hi he natna lo lan chhuah tan tirh lamah an ei thin. Homeopathy damdawi tha tak tak te pawh a awm a ni. Ei tur te: Keini sa ei mi kan ni a, sa tel lovin chaw ei chu tui kan ti lo va. He natna nei kan nih chuan red meat ( Bawng sa, vawk sa, kel sa, lawi sa te) hi a thau tel lova ei a tha a. Tin, sangha leh thei lam te ei a tha bawk. Zinc hi 30mg nitin ei tel theih a tha a. Zinc hi soya milk (bekang tui) leh tofu ah te a awm a. Prostrate thang tur a veng thei a ni. Omega 3 fatty acid te hian prostrate na tur an veng thei a. Essential fatty acid (EFA) ,vitamin 400 iv nena tih pawlh a tha bawk.

Ei loh tur: Chini/ thil thlum lam, fatty oils, zu lam chi reng reng (beer telin) Prostrate leh hmeichhiat-mipatna – Prostrate a lo vun chuan hmeichhiat-mipatna hman a harsa thin. Mipaten an mipatna chhuah a harsa an ti thin. Hmeichhiat-mipatna hmang peih tawh lo tawp te he natna veite zingah hian an awm thin. Chuvangin hmeichhia, an pasal he natna neite chu hrethiam turin ka fuih thin. Zai dam theih a ni a, zai hnu ah chuan a pangaiin hmeichhiat-mipatna an hmang thei tawh thin a ni. Lirthei ke pahnih nei leh prostrate natna – A tir lamah khan ka thianpa two-wheeler khalh thin chanchin kha tlem ka tar lang tawh a. Kum sawmli panga (45) lai a lo khalh tawh a. Ni tin km30 vel office kal nan leh haw nan a khalh ziah thin. Daktorten khalh tawh hrih lo turin an hrilh a. A chhan chu motor te a khalh khan a prostrate leh hnungzang ruh(spinal cord) tan a tha lova. Kan kawng dinhmun ngaihtuah hian a that chu a rinawm vak loh reng a ni. Bike leh scooty khalh tam tak te hian kawng na, nghawng na leh banrek na an nei fo reng a ni. A then phei chuan sinus nate an neih phah thin bawk. Chuvangin,a bik takin bike leh scooty khalh thin, naupang lam deuhte phei chu khalh muang deuh sela tih hi ka chah duh a ni. Chak tak tak leh fimkhur lo taka tlan hian mahni nunna bakah midangte nunna kan tiderthawng thin a ni. Kum a la naupan lai hi chuan insawiselna em em kan nei lo a ni maithei, mahse kum upat hnuah a lo lang chhuak thin a; ilru, taksa leh sum lama harsatna bak hmabak a awm dawn lo a ni. Kan kawng that loh dan hre ranin, muang deuha tlan te zir ila. Kan lo hrisel zawk ang a, lirthei khalhtuten chetsualna kan pumpelh thei bawk dawn a ni. Hma lam thlir ran chungin naktuka hrisel taka kan awm theih nan rilru seng ila. Nangmah hmangaihtu leh duhsaktu che in in lamah a nghak reng che tih hre ranin tlan thin ang che. Khawngaih takin natna leh accident-na te lakah i lo in veng reng dawn nia. Ka lawm e. - Dr. A.R.V.Pillai (AYUSH) MPS (Retd) Khatla, Aizawl

Share now