March 11, 2024; Private school intelkhawm ten thil ti diklo chunga sawrkar hmalakna an thlawp a, question setting system rintlak zawk siam an duh.

MISA THUCHHUAH :-

Vawin ni 11.03.2024 (Thawhlehni) Chawhnu Dar 1:00 a MISA Executive Committee Emergent Meeting chuan hetiang hian thuchhuah a siam. 

MBSE hnuaia HSLC Examination 2024-a Social Science subject Question chungchanga thil fello lo awm hi Mizoram Independent School Association (MISA) chuan pawi a tiin, thil diklo titute chunga dan ang taka MBSE leh Sawrkar hmalakna hi MISA chuan a thlawp a, tun chinah chuan hetiang thil fello tak hi thleng nawn tawh lo se kan ti.

He thil thleng hian zirlaite rilruah nghawng thalo tak a neih theih avangin pawi kan ti hle a ni.

MBSE hnuaia HSLC/HSSLC Question setting system hi tun aia felfai leh rintlak zawka kalpui a nih theih nan ruahmanna tha zawk siam tura hma la tur in MBSE kan duh hle a ni.