ZALEN November 19, 2023 : Mizoram kohhran hrang hrangten missionary an neih zat chu 3,180 a ni a, Mizoram Synod chuan missionary hi ngah berin 1,234 an nei mek. Tun hnaia Economics & Statistics Department-in a tihchhuah, ‘Statistical Handbook Mizoram 2022’ tar lan danin Mizoram Synod hian missionary mipa 520 leh hmeichhia 714, a vaiin 1,234 an nei mek a. Baptist Church of Mizoram chuan dawtin 978 an nei a, pathumna Salvation Army-in 316 an nei bawk. Kohhran dangten missionary an neih zat chu UPC (NEI)-in 189, Lairam Isua Krista Baptist Kohhran 172, UPC (Mizoram) 138, Evangelical Church of Maraland 112, Isua Krista Kohhran 22, Seventh Day Adventist 15 leh Roman Catholic pali te an ni. Kohhran member-ah pawh Mizoram Synod chuan ngah berin member 6,18,854 neiin heng zinga 3,00,279 chu mipa niin hmeichhia 3,18,575 an awm a. A dawttu, Baptist Church of Mizoramin member 1,73,952 an nei a, UPC (NEI) chu pathumna niin member 85,663 an nei. Kohhran dang member neih dan chu UPC (Mizoram) 72,407, Salvation Army 62,645, ECM 47,151, Lairam Isua Krista Baptist Kohhran 36,049, Roman Catholic 22,416, Seventh Day Adventist 18,979 leh Isua Krista Kohhran 10,650 te an ni. Mizorama kohhran member zawng zawng zat hi 11,48,766 niin heng zinga 5,63,557 hi mipa an ni a, hmeichhia 5,85,209 an awm bawk. Mizorama tlawmngai pawl hrang hrang zingah YMA chu member ngah ber niin member 4,73,872 an nei a, pahnihna MHIP-in member 2,91,053, pathumna MUP-in member 68,178 an nei. Tlawmngai pawl dangte member neih dan chu YLA 55,860, YCA 16,991, MTP 13,548, MCHP 7500, LWA 7500 te an ni.