Aizawl; Nimin zing dar 3 vel khan Upper Republic kawngpui phei kawngsira lirthei dah pahnih chu mi tuh tih hriat loh ten an hal a, kawngpui bul Assam Type In pakhat verandah-a motor ke pawh hal a ni a, vanneihthlak takin In a kankai hma in thelhmih a ni. Motor an halte hi Baleno MZ-01/J-3446, Lalngurliani, Upper Republic ami ta leh Zorpi Infrastructure Pvt. Ltd. te motor lei thar hlim a ni a. Baleno hi a khuhna chawpa hal a ni a, a kang chhe hneh hle. Bolero hi Zorpi Infrastructure Pvt. Ltd., Upper Republic-a thawkte ta niin, Zirtawp-ni maia lei thar, registration number pawh la nei lo a ni a, a bonnet cover chung-ah engemaw halin, a kang chhe nasa lo. Hei bakah hian, kawngthlang lam, kawngpui an maia awm F Vanhnuna te veranda chhuata motor dah pawh hal a ni a, Taxi tlan pakhatin hmu in thehlhmih nghal a ni bawk. Lirthei suasamtute hian kawngsira dah Bike pakhat chu an namthlu bawk niin thu dawn a ni a, he thil thleng hi Police te hriattir nghal an ni a, Forensic lam mithiamten pawi khawihtute hnuhma hi an enfiah nghal bawk. He thu buatsaih lai thleng hian lirthei suasamtu rinhlelh man emaw an la awm lo nia hriat a ni.