ZALEN November 8, 2024 : Youth Icon 2024 Lalsangliana chuan vawiin khan Special Blind School, Durtlang hnenah thil pek a pe a, zirlaite nen hun an hmang ho. Taitea nu hi mit tha lo a ni a, hemi avang hian mit lama harsatna neihte chu an neih ang tawka puih ve duhin luan chhuah nan Special Blind School hi a thlang tih a sawi.

Taitea hian vawiin khan Special Blind School hi a tlawh a, School hotute hnenah thil pek a hlan a, hemi puala inkhawm tawi neihah a luan chhuah chhan a sawi a. Taitea chuan Pathian malsawmna nasa tak a dawn thu leh Mizo mipui duhsakna a dawng nasa hle tih sawiin, mite tan malsawmna nih ve duhin Special Blind School-ah an remchan ang thil pek a hlan ta tih a sawi.

Taitea nu hi mit tha lo a ni a, hemi avang hian mit lama harsatna neihte chu an neih ang tawka puih ve duhin luan chhuah nan hian Special Blind School hi an thlang a ni.

Thil pek inhlanna hun an hman zawh hian Taitea hian zirlaite chu kawmin, hun hlimawm tak an hmang ho a. Special Blind School hotute pawhin zirlai leh zirtute'n hmuh an chak leh an ngaihsan em em Youth Icon-in a tlawh chu an lawm hle tih an sawi.

Thil pek hlan turin kal mah se, school hotute ngenna angin Taitea hian hla hnih a sa a, zirlaite nen Krismas hla te sa in an zai ho bawk a ni.