ZALEN September 30, 2026; Mizoram Youth Commission (MYC) Chairman Malsawmzuala Ralte chu Ratnamouli Palace Hotel, Guwahati-a buatsaih 'Stake Holder Consultation on International Migration & Mobility from India'-ah a tel a, he huna Mizo Diaspora Cell kalphung a sawi chu state dang ten an ngaihven thu ZALEN a hrilh. 

Malsawmzuala Ralte hian Mizoram Chief Minister ruahmannaa Mizo Diaspora Cell-in ram danga mizo thalai hnathawk leh lehkha zira awm, buaina leh harsatna tawk, ministry of external affairs leh Indian embassy kaltlanga eng emaw zat an buaipui thin thu te, a then chu jail atanga la chhuak a, Mizorama hruai haw an neih fo thu leh he cell-in hma a lakpui mek Mizo thalai harsatna tawk eng emaw zat an neih thu a sawi a. State dang aiawhte pawhin Mizo Diaspora Cell chu an bengkhawnin ruahmanna siam ve an duh thu MYC Chairman hi an hrilh a ni.

He programme hi UN Migration, International Organisation for Migration/IOM leh Tata Institute of Social Science/TISS te buatsaih niin, North East atanga thalai ram danga hnathawk tura kal chhuakte himna, tih dan phung tha zawk, buaina leh harsatna pumpelh thei tura hmalak chungchang sawi ho a ni.

He meeting-ah hian Satinder Kumar Balla, Secretary NEC ; Dr. Om Prakash, IAS, Commissioner & Secretary, Skill, Employment & Entrepreneurship Dept. Govt of Assam ; Sanjay Awasthi, Head of Office, International Organisation for Migration, India bakah Dr. Jagannath Ambagudia, Director, Tata Institute of Social Science leh North East state aiawhte an tel.