DOWNLOAD OUR APP

Read latest news on your phone
app-store
Mizo hla phuah thiam zinga mi Fam Lalzova chanchin thenkhat
Nov 22, 2023

- George L.Ralte, Aizawl West


Tun tum a kan thu rawn ziah hi kan Mizo zing a hla phuah thiam hmsa leh hmingthang tak Fam Lalzova chanchin tlangpui niin ziah kim loh lai leh ziah dik loh lai te a awm a nih chuan a hmasa in he ka thuziak chhiartu te hnen ah ngaih dam ka rawn dil hmasa a ni.


Kan Mizo zing a hla phuah thiam hmasa leh lar tak mai Fam Lalzova kha ni 2.12.1924 khan Lunglei Rahsi veng ah a lo piang a. A pa hming hi Hnuna niin a nu hming Aimawii a ni.


Indopui II - na a lo chhuah khan pawl nga a zir zo hman chiah a.Lemziah leh thil lem siam lam a talent that zia hriain SDO Wiscott an Aizawl ah hruai pheiin Aizawl atang chuan kan Mizo zing a thuziak thiam tak pakhat chuan lehkha zir turin Calcutta (tun a Kolkata ni ta) ah hruaiin sikul luhna tur an hriat lawk loh avang leh a lung a len em avangin Mizoram ah a lo chuang chhuak leh a, lehkha zir chu a bansan a ni awm e.


Fam Lalzova kha kan Mizo zing ah chuan Lengzem hla phuah thiam zing a hming langsar tak mai niin hriat theih chin ah hla hi 50 vel zet a phuah a ni.


Kum 1943 atanga kum 1945 chhung khan hla 48 vel a phuah a, hriat theih chin ah sakhaw lam hla 3 a phuah a, hla lenglawng lam hi 5 vel phuahin a hla phuah dang te chu hmangaihna lam hla chi vek a ni.


Rimawi hi a ngaina in heng Spainsh Guiter, Hawaiin Guiter, Violin leh U kelele te hi a tum thiam hle a ni awm e. Mi lungleng thei mi nih nak a laiin a bial nu in pasal a neihsan a, chumi avang chuan Khawnge i kal dawn sawi rawh Parte, ka zui ang che tih hla a phuah phah hial a ni awm e.


Fam Lalzova hla phuah te hi kum 1960 hma lam kha chuan Zoram tluan ah tlangval ten se dar tia zet tingtang awrhin zan thla eng ah mimal leh a huhovin an sa uar hle thin a ni awm e. Zan thla eng ah nula ten luhkapui ah la an kaih a, an bul ah an in leng tlangval ten Fam Lalzova hla phuah an han thlawh meuh chuan a hre nu leh pa ten an vang lai ni an dawn kirin mutmu pawh an tuah thei meuh lo a ni.


Ni 2.12.1945 khan kum a pian champha kum 21 na a lawm hnu lawk ni 8.12.1945 khan khawsik natna avangin chatuan ram min lo pansan ta a ni.


Mi lungleng hmingthang a sawi a nih avangin Fam Lalzova ti a sawi thin a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh