Tunlai khawvel hmasawnna leh changkan mek zel ah hian rimawi lam ah pawh hmasawnna hmuh tur a awm zel hi a lawmawm tak zet a ni.He rimawi hian Mizo thalaite- ah nasa takin hma a sawn tir niin a hriat a, a lawmawm tak zet a ni. Cable TV lam a rimawi huang en thin te chuan kan Mizo nula thenkhat ten rimawi band dinin rimawi chi hrang hrang hmang a Pathian fakna hla te, lengzem hla te, leh hla lenglawng lam hla te an rem han hmuh hian a bikin kan Mizo hmeichhia (nula) te hi rimawi lam ah hma an lo sawn tawh zia leh an lo nep loh zia hei hian a ti lang chiang hle awm e.

Rimawi hmanrua te Pathian biak inkhawmna ah te,  leh khawtlang huap thil tih pawimawh ah te hian mipa te mawhphurhna ah dah mai lovin, kan Mizo hmeichhia te pawhin rimawi rem chungchang ah theihna sang tak in nei tih hre reng chungin, he rimawi hmang hian Kohhran tan leh khawtlang tan theih tawp a tan la thar zel turin leh rimawi lam a hmasawn zel turin ka chah duh che u a ni.

Kohhran hrang hrang a thalai hruaitu te pawhin in thalai Member hmeichhe zing ah rimawi lam a talent nei tak tak in phum ru te hai chhuah kawng ah tan in lak thar a, nu leh pa te pawhin in fanu te zing ah rimawi lam a tui tak tak hmasawn duh si mah se, hma lak dan tur hre si lo an awm ngei ang. Chung te hnen ah chuan an harsatna te hriat puiin a theih chen chen a hma lak pui zel a pawimawh tak zet a ni.  Tin kan Mizo zing ah pawh rimawi hmanrua hmanga nitin a ei zawng a hnathawk te pawh an awm nual tawh niin a hriat a, heng mite hian Cable TV lam ah te leh chanchinbu lam ah te rimawi hmanraw hmanga kan Mizo hmeichhia ten ei zawnna hna tangkai tak a an hman theihna tur lam hawi hi ziah tam a sawi tam ni thin se la, hei hian kan Mizo  hmeichhia rimawi lam a tui tak tak te hian nasa takin hmasawn nan leh tangkai takin an hmang ngei ngei ang.

Kohhran lam hruaitu te leh khawtlang lam hruaitu te ka ngen duh che u chu kan Mizo hmeichhia ten rimawi hmanrua hi Pathian tan, Kohhran tan, khawtlang tan, leh ram tan a taima tak a rawng an bawl ve zel theih nan pawisa pawh seng huam a nasa tak a tan lak pui zel turin leh Kohhran lam a thil tih pawimawh a awm pawhin kan Mizo hmeichhia ten rimawi lamah mawhphurhna pawimawh an chang ve theih nan chanvo pawimawh siam sak hi uar thar zel turin leh khawtlang lam ah pawh thil tih tur pawimawh a awm pawhin rimawi lam a mawhphurtu tur te ah mipa tan chauh a chanvo siam sak bik lovin kan Mizo hmeichhia te ah pawh rimawi lam a chanvo siam sak hi kan uar thar zel a pawimawh tak zet a ni. 

A tawp ber ah chuan Mizote hi mi thil tih sawisel peih tak leh mi rel ching tak kan ni awm e.Heng kan Mizo hmeichhia ten rimawi hmanrua chi hrang hrang hmanga hmasawnna leh changkanna an neih mekna ah hian duh khawp lohna lai leh sawiselna tur tam tak a awm ngei ang. Chung te chu sawisel mai lovin tun aia nasa zawk a kan Mizo hmeichhia ten rimawi hmang a rawng an bawl zel theih nan rimawi lam a thiamna sang tak tak nei te khan kan Mizo hmeichhia te tan hian rimawi lam ah nasa tak a tan lak pui turin ka sawm che u.