Mizo Idol Top 20 Rohlupuii'n a single music video hmasa ber tichhuak dawn
Thalai khawvel
Oct 14, 2025

ZALEN October 14, 2025 : Mizo Idol 2025 top 10 thleng zo lo mah se, Rohlupuii chuan a single music video hmasa ber tur Nilaini zanah a tichhuak dawn. 


Bawktlang nula Rohlupuii hla thar tur hi — Mamte — tih a ni. He hla hi Zaii Hauchhum hla hit 'An nem ngei ang' tih phuah tu Manuni phuah a ni. 


Music video hi Mizo Idol a tel hma a peihfel vek tawh ni mah se, Mizo Idol-ah an beisei phak baka a thlen thui avangin tihchhuah lohin a awm reng a ni. 


Music Video hi Masky Records and Reels kutchhuak niin, music hi Kima Chhangte a ni.


Mamte — music video hi Nono-i Pautu leh Zonet Youtube Channel-ah upload a ni ang.

Latest News & Chhiar Hlawh