ZALEN August 27, 2024 : Mizo milar rual inlanna film 'Ka Nihna A Ni Lo' tih chu August 29, Ningani zanah tlangzarh a ni dawn a, Lersia Play-ah en theih a ni ang.

He film genre hi a danglam viau tura ngaih a ni a, inzirtirna lam hawi a ni tura ngaih a ni. HIV/AIDS inzirtirna lam hawi a nih hmel a, milar kan hmu nual dawn. Benjamin Sum, Nunu Rualhleng, Rebecca Lallawmsangi, Henry Varte, Zoramchhani, Nunu Sailo, Chunli leh Baby Zomuanpuii te an inlan dawn - a pui lo thei lo. Anni bakah hian Rosangpuii Ralte, Uncle Joe, Lawmi Khiangte, Janis Hnamte leh Ralakone te pawh an inlan dawn cheu bawk.

A script hi Zonunmawia Fanai, Rodinpuia leh CZ Ralte te ziah niin, Zonunmawia Fanai hi director a ni nghal bawk. Mawitea Hauchhum (RDS Shots) chu Director of Photography niin, Didini Tochhawng chu Line Producer a ni.

'Ka Nihna A Ni Lo' Original Sound Track (OST) hi 'Ka Famkimna' tih a ni a, Zoramchhani sak a ni. OST hi August 19 zan khan tihchhuah niin, Zoramchhani YouTube channel-ah en theihin a awm. He film hian trailer hran a nei lo a, OST hi trailer atan an hmang nghal a ni.