ZALEN February ni 25, 2026: Mizo mipa model lar leh lemchang thiam, Rinzuala chuan vawiinah khan Maxx Hospital-ah a pa tan a thin a pe.

ZALEN thudawn danin Rinzuala hi a pa thin pe tur hian Delhi-ah hun eng emaw chen a awm tawh a, test ngai zawng zawng teh a tih fel hnuah vawiinah khan Max Hospital-ah an pafa hian an zai a. Chawhma dar 10:50 ah khan Rinzuala chu OT ah an nawr lut a, darkar 8 chhung khawih tura tih a ni a. A pa, Laldingliana chu dar chawhma dar 11:20 ah khan an khawih tan a, darkar 12 chhung khawih tura tih niin, an pahnih hian tha takin an zai a ni.

Rinzuala chuan zai dawnin a hlau miah lo a, zai zawhah pawh na a ti mang lo bawk a. A pa, Laldingliana chu zai zawhah ICU ah dah luh niin, a thin chu a thar hlak ang a ni.

Mizo zinga host hriat hlawh hmasa, 'LPS Mali' tia hriat lar, Lalmalsawmi fapa, Rinzuala hi model hriat hlawh tak a nih piah lamah Mizo mipa filmstar langsar tak a ni a. Hei mai hi ni loin nikum khan Vanneihtluanga nena an ziah, 'TRAP BETWEEN REALMS' tih film chu a lo tichhuak tawh bawk.