Mizo Olympian Siami leh Remsanga ten India-ah infiam mite kara induhsak bikna awm hre lo
![](https://zalen.s3.ap-south-1.amazonaws.com/images/news/1718359722_WhatsApp%20Image%202024-06-14%20at%2015.35.58.jpg)
Khawvela infiamna inkhawmpui lian ber leh ngaihhlut hlawh ber, infiam mite pawhin inlan phak an tum ber, Olympic Games-ah Mizoten India aiawhin pahnih kan thawh ve tawh a, tumah an hnung zui zo an la awm rih lo.
Tun hma atang tawhin titiah chuan India ramah hian infiam mite inkarah inthleina leh induhsakna a awm nia sawi a awm fo thin a; mahse, a tak takah chuan Mizo Olympian pahnihte chuan a nih loh thu an sawi ve ve thung.
Tuna India hmeichhe hockey team tana mi pawimawh ber tling, Mizo nula, Lalremsiami Hmar Zote chuan, “Chutiang a awm ka hre lo, tumruh leh taima taka kan beih phawt chuan hmun a awm mai thin,” tiin a sawi.
Thal kah thiam, 1992 Atlanta leh 1996 Barcelona Games-a India aiawha inlan, Lalremsanga pawhin hnam dang coach leh thuneitu sang zawkten an hnampui duhsak bik leh Mizo duhsak lo bik ang deuhva titi awm thin chu a nih lem loh thu a sawi ve bawk.
“Khawiah pawh induhsakna chu a awm a; mahse, Mizote chu kan chapo va, kan thatchhe hma a, mi dang duhsak zawk angin a lang mai zawk a ni. Kan chapona dah thaa kan beiha kan thawhrim phawt chuan duhsakna kan dawng ngei ngei,” a ti.
A inkhelh ve chhungin a thawhrimna leh tumruhna avangin tute mahin an duhsak lo ngai lo niin a sawi.
Mizo Olympian pahnihte hi Mizoram State Sports Council-in Ningani leh Zirtawpnia Baptist Centre, Falkland, Aizawla Mizoram Sports Conclave Vision 2036 a huaihawtah kawm an ni.
Mizoram sorkarin 2036 Olympic Games-a infiam mi tam zawk a tirh theihna tura hmathlir sawihona hun buatsaihah hian India tana vawi 139 khela goal 37 zet vaw lut tawh, Kolasib nula Siami chuan Olympic chu a hlu bik tih a sawi bawk.
“A khelh phak hi a awlsam lo va, inelna sang ber a ni a. Infiam mite pawhin telan tum berna leh ram tana medal lak an tumna ber a ni,” tiin 2020 Tokyo Games-a inlan tawh chuan a hlutzia a sawi.
India archery team coach pawh lo ni tawh, Remsanga pawhin, “Inlan phak tur zawn ngai bik a ni a, a hluin a ropui bik,” a ti a. Thal kahah pawh mipa team-ah tum khatah mi 64 chiah tel theih a ni a, hockey-ah pawh ram pariat chiah tel theih a ni bawk a, a bik chauh khelh phakna a nih avangin a hlu niin a sawi.
Mizoten infiam mi a neih zinga Olympian awm chhun la ni rih pahnihte hian he inkawmnaah hian Mizo infiam mite tan Olympic Games-a inlan theihna khawp theihna an neih thu an sawi ve ve bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024