ZALEN December 5, 2024 : Mizoram sawrkar chuan June 17, 2029-a General Administration Department's Circular no B. 14015/10/2015-GAD in thuchhuah a lo siam tawh angin, state sawrkar chuan an hnuaia thawk bakah an hnuaia Public Sector Undertakings, Boards, Bodies leh Agencies-a thawktute chu kar khatah vawi khat tal, a bik takin Nilaini-ah Mizo nunphung leh zia tilangthei thuam inbel turin hriattirna a chhuah nawn.

Hei hi kan nihphung leh a nunphung nena inkungkaihna hnai zawk neih theihna a nih beiseina bakah hetiang kaihhnawiha siam thil te hma a sawn theihna tura tih a ni. Chutihrualin heng thuamhnaw hak te hi tihluihna a nih loh thu thuchhuah siamah hian tarlan a ni lo a, mahni duhthlanna a ni.

Department tin leh Office tina hotulute chu an hnuaia mite hriat turin he hriattirna hi chhuah tura tih a ni.

He thuchhuak pawmpuina hi 26.11.2024 khan Chief Minister atanga hmuh a ni.