Aizawl : NGO Coordination Committee, MKHC hruaitute leh Rajya Sabha MP Ronald Sapa Tlau te chuan India hmarchhak state hrang hrang leh Mizo mipui ten nasa taka an dodal Citizenship Ammendment Bill 2016 chungchang hma laknate thlirlet hona leh inkawmkhawmna hun an hmang a. MP chuan CAB Rajya Sabha-a tlang ta lo chu Mizo mipui tan hnehna a nih thu a sawi.
Inkawmkhawm na ah hian CYMA General Secretary leh NGO Coordination Committee Secretary ni bawk Lalhmachhuana'n NGO Coordination Committee hmalaknate report a pe a, chet dan leh hmalak dan tur an hriat zawng zawngin Citizenship Ammendment Bill 2016 hi pass an tum tih an hriat tirh atangin dodal a nih thu a sawi.
MP Ronald Sapa Tlau chuan Rajya Sabha-ah Citizenship Amendment Bill 2016 pass a ni lo chu a lawm thu sawiin, "CAB 16 pass a ni lo hi hnehna a ni a, hemi chung changah hian tumah thangthat la bik tur an awm lova, he bill pass a nih lohna tur atana hmalakna, a hnun vuantu NGO hote, Kohhran hotute leh a bik takin Kohhran tawngtaina avang a ni a, Mizo mipui zawng zawng, kan zavai tan hnehna a ni," a ti.
CYMA President Pu R. Vanlalruata chuan he inkhawm Zirtawpni zana neih chu Aijal Club ah kaihruaiin Citizenship Amendment Bill 2016 dona chungchangah Mizo mipui thawhhona chu ropui a tih thu leh tanrualnaah lawmthu CYMA President chuan a sawi a. He inkawm khawmna hi Pathian hnenah MKHC Secretary Rev. R. Lalrinsanga'n Pathian hnenah a hlan a, he hunah hian Kohhran Hruaitu, YMA, MZP leh MSU aiawh te an kal tha hle bawk a ni.
&&&&&&&&