ZALÊN, Vawiin 18.7.2024 khan July 18, 1934 a piang, tuna Mizo zinga phir la dam upa ber nia hriat Phirdailova leh Lalchhingpuia, Mission Veng ṭe chuan an piancham vawi 90 nâ an läwm.

Phira leh Lala te hi Rohnuna leh Rualchhingi te inkarah Mission Veng, Aizawl-ah an piang a, an piantirh atangin Aizawl an la pemsan lo a, Mission Veng an la khawsa ngar ngar a ni. Phira hi Boys M.E School ah a thawk thin a, Lala hi AIR, Tuikhuahtlangah a thawk thin thung a ni.

Phira hi a nupui Lalngaihawmi chuan 26/2/2022 khan a boral san tawh a, anni hian fa 7 an nei a, pakhat a boral tawh a ni. Lala hi a nupui Rochhingpuii chuan a la dampui a, anni hian fa panga an nei a, pahnih chu an boral tawh a ni.

Hriat theih chinah India rama phir unau dam rei ber ni a ngaih a ni.