ZALEN September 5, 2026 : G.I.G Motors R-Outlet 3na chu vawiin khan Phai Phei, Seventh Day peng Champhai ah Mizo zinga thisen pe hnem ber (Vawi 101) PC Lalchuangkima'n ribbon chep chat in a hawng.

G.I.G Motors Showroom (R-Outlet) thar hawnna hi Rev. Zairemtluanga i/c Zotlang Pastor Bial Zotlang in hunserh a hmang. Khuallian PC Lalchuangkima chuan Champhai District tana tangkai tak anih theihnan District mipuite pawn a tangkai thei ang bera an hman a beisei thu a sawi. G.I.G Motors CEO John Lalpeka chuan lawmthu sawina a nei bawk. 

R-Outlet Champhai hawnna neih ni hian Customer hmasa ber R Lalthanthiangi, Zion Veng hnenah WagonR VXi John Lalpeka CEO in hlan nghal bawk a ni.