Keiṭum tlangval, Art khawvela 'Bazik Thlana' tia hriat hlawh, Lalthlanchhuaha chu Mizo zinga visual art Ph.D nei hmasa ber a ni ta. 

Bazik Thlana hian Department of Visual Studies, School of Arts and Aesthetics, Jawaharlal Nehru University atangin Doctorate Degree hi a zir zo a, Mizo zingah Visual Art bika Ph.D nei hmasa ber nia hriat a ni. A thesis chu, "Abstraction and Visual Politics of Representation : The ‘Case’ of Contemporary Art in Northeast India," tih a ni.

Bazik Thlana hian a kutchhuakte hi India ram hmun hrang hrang bakah foreign thlengin a lo phochhuak tawh a, a painting pakhat phei chu a lar hle a nih kha. He a painting hi Mizoram Chief Minister hlui Zoramthanga lem a ni a, a hun lai khan khel zui a hlawh hle a ni. 

Bazik Thlana hian tunah hian Department of Education, Mizoram University-ah Asst. Professor hna a thawk mêk a ni.