Aizawl April 25, 2024 : SAPE Events & Media Pvt. Ltd. te chuan kum danga an lo tih thin tawh angin April 26 & 27, 2024 hian Mizoram-a zirlai te tan 14th SAPE Education Fair 2024 chu Millenium Centre Roof Top-ah an huaihawt leh dawn.

He Fair-in a tum ber chu India rama zirlaite zirna In tha-ah an luh theih nan leh scholarship an hmuh theihna piah lamah zirlai leh an chhungte lo hmin a, an mil zawng zirna-in an hmuh theihna atana hmalakpui te a ni bawk. 

He huna hian India rama zirna In 35 chuang an rawn inpho dawn a, heng zirna In te hi engineering, hospitality, communication, IT, nursing, acrchitecture leh a dang te zir theihna te an ni a, anni hian zirlai te chu a mal mala hrilhfiahin an harsatna te lo chinfel sak an tum dawn a ni.

Sawrkar zirna In hriat hlawh Indian Institute of management (IIM) Bangalore, Indian Maritime University te chu a tum khat nan an rawn inpho dawn a, Mizoram zirlai te an kalphung an an rawn hrilh ang.

Zirlai ten he hunah hian an zir duh a zira an sum sen tur zat leh an mamawh te an hre thei dawn a. Zirlai te hian scholarship an hmuh theih dan tur pawh an hre thei dawn a, a hmunah hian admission pawh a tih theih nghal dawn a ni. Hrechiang duh tan Sanjay Thapa, Founder & MD, SAPE Events & Media Pvt. Ltd chu 9830058408-ah zawhfiah theih a ni.