Mizoram 85.71% ramngaw in a khuh ; Forest ramngaw a hma aiin a tlem

Admin - Sep 12, 2021

Thing awmna (open forest) sq.km. 12047.71 a awm

Aizawl: Mizoram chhunga 85.71% chu ramngaw (forest) in a khuh a ni a, forest hi kum hmasa lam aiin a tlem zawk a ni.

Tunhnaia tihchhuah Statistical Handbook Mizoram 2020 in a tarlan danin kum 2017 khan forest in Mizoram a khuh hi 86.26% a ni a, kum 2019 survey ah chuan ramngaw in a khuh hi 85.41% a ni tawh a ni. Ramngaw in a khuh zau zawng hi 18005.51 sq.km a ni a, heng zinga 157.05 sq.km hi ramngaw chhah (very dense forest) a ni a, ramngaw sq.km. 5800.75 leh thing awmna (open forest) sq.km. 12047.71 a awm a ni. 

Mizoram district 8 (a hlui) zingah Mamit district chu ramngaw nei tha ber niin Champhai sitrict chu nei tlem ber a ni a. Ramngaw chhah (very dense forest) in a khuh zingah erawh Champhai hi hetiang nei tam ber district a ni thung a. Mizoram district zingah Lawngtlai leh Siaha chuan ramngaw chhah (very dense forest) hi an nei lo nia tarlan a ni. 

Mizoramah hian wildlife sanctuary 6 leh national park pathum a awm bawk a, wildlife sanctuary leh a zau zawng chu Ngengpui (110 sq.km), Khawng-lung (35.7 5sq.km), Lengteng (60sq.km), Tawi (35sq.km), Thorang tlang (50sq.km) leh Pualreng (50sq.km) te an ni a. National park te hi Murlen (100sq.km), Phawngpui (50sq.km) leh Dampa Tiger Reserve (500sq.km) te an ni.

Mizoram district hrang hrang ten ramngaw an neih dan
District zau zawng sq.km    Ramngaw neih%
Mamit           3025              89.81
Kolasib         1382               83.40
Aizawl           3576              86.1
Champhai     3185              78.09
Serchhip       1421              81.75
Lunglei         4536              88.67
Lawngtlai     2557               86.04
Siaha           1399               84.74
Total            21081             85.41

Share now