Aizawl March 7, 2024 : Nimin khan Mizoram-a a hmasa ber atan Siaha District-a Khaikhy ram chhungah Heroin siamna chinna Poppy hmun chu Lungpuk khaw mi te'n an hmuchhuak a, Police, AR leh MTP te hmalakna in tihchhiat a ni.

Dan lova Poppy chinna an hmuhchhuah hi Khaikhy leh Rala khua, Myanmar inkarah a ni a, Phura Police Station staff te, Lungpuk post-a awm 20th Assam Rifles te, Mara Thyutlia Pi (MTP) Lungpuk Branch leh Forest Department, MADC official-te chu a hmunah hian kal nghalin he dan loa Poppy chinna hmun hi hemi ni vek hian tihchhiat vek a ni.

Poppy chinna hmun an tihchhiat tak hi Rs. Nuai 32 hu vel ni tura chhut a ni a, huan neitu hi hmuhchhuah tuma chhuizui mek a ni.

Hemi chungchanga Lungpuk khaw mite bengvarna leh chetdan avangin Mizoram Police chuan an chungah lawmthu an sawi.