September 16; 2022; Tunhnai kum 4, 2018-19 atanga 2021-22 chhungin Cyclone/ruahsur leh tuilian vanga chenna in chhia 2589 a awm a, hemi hunchhunga chenna in chhia tam ber kum chu 2019-20 a ni.

Disaster Management & Rehabilitation department (DM&R) chhinchhiah danin, kum 2018-19 khan Mizoram ah Cylone/ruahsur vanga chenna in chhia 178 awmin, tuilian vanga chenna in chhia 225, a vaiin chenna in chhia 403 a awm.

2019-20 ah Cylone leh ruahsur vanga chenna in chhia 1,048 awmin, tuilian vanga chenna in chhia 781 a awm, a vaiin 1829 a awm a, 2020-21 ah Cylone leh ruahsur vanga chenna in chhia 304 bakah tuilian vanga chenna in chhia 1, a vaiin 305 a awm. 2021-22 ah Cylone leh ruahsur vanga chenna in chhia 44 awmin, tuilian vanga chenna in chhia 5, a vaiin 49 a awm.

Tun thlengin State Disaster Response Force (SDRF) atan mi 853 train chhuah an awm tawh a, chungte chu 1st Bn. MAP atangin mi 148, 2nd Bn. MAP atangin mi 130, 3rd Bn. MAP atangin mi 114, 1st Bn. IR atangin mi 88, 2nd Bn. IR atangin mi 118, 4th Bn. IR atangin mi 129 leh 5th Bn. IR atangin mi 126 an ni.

Chung mite chu khuarel chhiatrupna a thlen thulha chechhuak mai athei tura koh mai theih turin an awm reng a, Mizoram sawrkar chuan SDRD personnels tur te hi batch 17 training a neihpui tawh.