June 30, 2023; Tunhnai kum 13 chhung velin Mizoramah tualthi (murder) 388 zet an awm a, micheng tam zat atanga tehin tualthi hi an tam hle a, pawikhawihtu man chhuah pawh an tam!

ZALEN RTI zawhna CID (Crime) SPIO in a chhan danin, kum 2010 atanga kumin 2023 inkar chhungin Mizoram ah tualthah thubuai 372 ziahluh niin, thubuai a mawhphurtu a puh mi 419 man an ni.

Hemi hun chhung a tualthi zat chhinchhiah chu mipa 284 leh hmeichhia 103 an ni a, hriatchian theih loh (unidentified) 1 a awm.

Kum 2010 atanga kumin tlenga tualthi (murder) zat 388 hi a tam tham hle a, kumin 2023 chhungin mi 17 zet tualthi an awm leh tawh bawk.