December 11, 2023; Mizoram Arsenal Supporters' Club Luan Chhuah 2023 chu ni 10.12.23 khan hman a ni.

Luan Chhuah 2023-ah hian Aizawl chhuah lam hrut thlak a ni. Zemabawk East, Airfield Veng, Tuirial leh Tuikhurhlu bakah Hospice Care Unit(a thlawna Cancer veite enkawlna hmun) Zemabawkah hun hman a ni.

MASC Luan Chhuah-ah hian Mizo Arsenal ṭantute thil pek tling khawm Rs. 1,41,500 niin, chhungkaw pariat(8) hnenah Rs. 10,000 ṭheuh leh Hospice Care Unit-ah Rs. 61,500 hlan a ni.

Mizoram Arsenal Supporters' Club chuan Luan Chhuah 2023 puala Arsenal ṭantute, mahni remchan ang ang rawn thawhtute chungah thinlung takin lawm thu a sawi takzet a ni.