Aizawl March 17, 2023: Parliament Session neih mekah Union Minister of Commerce and Industry Anupriya Patel chuan Mizoram MP K.Vanlalvena zawhna chhangin Tlabung Kawrpui chhuaha Bangladesh nena insumdawn tawnna atan cheng vaibelchhe 552.25 ruahman a ni tih a sawi a. Mizoram leh Bangladesh dawh zawmtu tur Kawrpui lui chunga Lei (bridge)dawhna tur DPR siam hna chu Bangladesh sawrkar kutah dah a nih thu leh Bangladesh in DPR an la zawh loh thu a tarlang.

Lawngtlai to Paletwa kawngpui laih mek KMMTTP-a Mizoram leh Myanmar inrina hmun Zorinpui-ah Border trade centre din tumna a awm em tih Vena zawhna pawh Union Minister chuan chhangin kawngpui laih hna hi thawh mek a la nih chauh avangin border trade din tumna Zorinpui ah a awm rih loh a ti.

Bangladesh nena ramria insumdawn tawnna bul tan thuai a nih theih nan hian Mizoram sawrkar Commerce and Industry Minister Dr. R. Lalthangliana chu Bangladesh ah a kal tawh a. Bangladesh Commerce Minister nen pawh Delhi ah hemi chungchang hi an lo sawi dun tawh bawk a ni.