Aizawl July 18, 2022 :  India President Inthlan vawi 16-na vote thlak chu vawiin khan Committee Room, Main building, Mizoram Legislative Assembly-ah neih a ni a, Mizoram MLA leh MP ten vote an thlak kim vek. 

Polling booth hi zing lam dar 10:00AM ah hawn tan a ni a, tlai lam dar 5:00PM ah khar a ni. Mizoram MLA 40 ten India ram President thlanna-ah hian vote an thlak vek a ni. Mizoram bikah President Inthlanaa vote thlak hmasa ber chu ZPM MLA Lalchhuanthanga niin zing dar 10:15AM ah a thlak a. Dr. K.Pachhunga chuan dar 1:05PM ah thlakin, vote thlak hnuhnungber a ni.

Lok Sabha MP C. Lalrosanga leh Rajya Sabha MP K. Vanlalvena te pawn chawhma khan President inthlanna vote hi Parliament House-ah an thlak bawk.

Rampuma Presidential Election atana Vote tla zawng zawngte chu ni 21.7.2022 ah Returning Officer Office Room No. 63, First Floor, Parliament House, New Delhi ah chhiar a ni ang.