ZALEN September 30, 2026: Khawzawl District Police Special Team-te chuan tukin zîng dar 7:00 vêl khan Neihdawn Junction-ah random checking neiin, Champhai aṭanga Khawzawl lam pan scooter (Regn. No. MZ 01 AB 8157) atangin Methamphetamine Kg thum chuang an man.

Police te hian he Scooter hi an rinhlelh avangin an ti ding a, uluk taka an dap hnuah Methamphetamine ni ngeia hriat Kg 3.828-a rit (mum 44,000), ₹3,06,24,000/- man hu chu R. Malsawmthara (35), Champhai Tuipui leh C. Vanlalsawma (32), Champhai Mualkawi nia inchhalte kut aṭangin an man a ni. 

Heng mi pahnihte hnen aṭang hian an mobile phone man a ni bawk. He thil thleng chungchangah hian Khawzawl PS C/No. 66/26 dated 30.09.2026 u/s 22(c), 25 & 29 NDPS Act hnuaiah case ziah luh niin chhui zui mêk a ni.