Aizawl July 30, 2024 : Mizoram Police te fitness-ah hma an sawn theih nana hmalakna kal zelah August 5, 2024 khian Mizoram pumah mahni awmna theuh-ah Police te chu a rualin Minute 45 chhung a rualin training parade rual hun an hmang dawn.

Thuthar thehdarhtu thenkhatin an kawmnaah Home minister K Sapdanga chuan Mizoram Police te'n fitness-ah hma an sawn theih nan ruahman an siam a, a bul tan nan August 5, 2024-ah ram pumah a rualin minute 45 chhung physical training parade an buatsaih dawn tih a sawi a, Police te chu ram pawn a awm te an awm a, post hrang hranga awm te pawh, chung mite chu an awmna hmunah theuh hun bi an siam zing dar 7-ah a rualin an parade dawn a ni. Aizawl-ah chuan a huhoa parade na hmun atan 1st Bn. MAP Playground, Armed Veng, Aizawl ruat a ni.

Hei bakah hian Mizoram Police Sports chu Favang-ah an buatsaih leh dawn a, hetah hian Police te an tel vek theihna turin ruahmanna an siam tur thu a sawi a. Police te fitness lamah hmasawnna neih na

Training Parade-ah hian Home Minister K. Sapdanga hi khuallian a ni dawn a, Mizoram Police Anthem sakin bul an tan ang a, Anil Shukla, IPS DGP (M) chuan inlawmna thu a sawi ang a, Lalbiakthanga Khiangte IPS, IGP (L&O) chuan lawmthu sawina hun a hmang ang.