ZALEN September 10, 2026 : Mizoram Police te chuan hmun ni thum kalta chhung khan Champhai, Saitual leh Kolasib-ah Methamphetamin, Heroin leh Kuhva ro thahnem tak an man, hemi kaihhnawih-ah hian mi paruk leh lirthei an man.

Champhai PS team-te chuan ni 09.09.2026 khan Chalbawia Junction, Khankawn Police Checkgate-ah random checking neiin Maxi cab pakhata chuang passenger pakhat, Hrang Thawm Hnim (39), Sathmuhzung, Myanmar nia inchhal kut aṭangin Methamphetamine ni ngeia hriat gram 994 a rit, cheng 7,952,000/- (vel) man hu chu an man sak.

Ni 09.09.2026 vek khan khan Champhai PS team, Chalbawia Junction, Khankawn Police Checkgate-a duty-te chuan Zokhawthar aṭanga Aizawl pan lirthei pakhata chuang passenger mipa pahnih, Awngminnine (19), Falam leh Bawithawng (18), Mangkheng, Falam nia inchhal te kut aṭangin heroin nia rinhlelh gram 141, Rs 28,20,000/- vel man hu chu an man sak.

Champhai Police ni 09.09.2026-a Chalbawia Junction Khankawn Police Checkgate-a duty-te hian lirthei (Truck) B/R No. MZ-04/A- 6929 aṭangin kuhva ro, Kg 3360 (bag 42) an man bawk. Thil man takte hi dan lova Myanmar aṭanga lak luh nia rin niin, hmun danga phurh phalna permit te, sumdawnna phalna license te leh lehkha pawimawh dang engmah an neilo a ni.

Saitual District Police Special Team-te chuan ni 08.09.2026 khan Kualmawi, Keifang-ah random checking neiin Chinzalian (26) Rangoon, Myanmar (P/A Champhai Dinthar) leh Thiankhatmuanga (27) Rangoon, Myanmar (P/A Champhai Bethel) nia inchhalte kut aṭangin Methamphetamine nia rinhlelh Kg 12.746, cheng 10,19,68,000/- man hu vel chu an man sak bawk.

Kolasib District Police, Phaisen Police Check Gate-a duty-te chuan ni 07.09.2026 khan Aizawl aṭanga Karimganj pan lirthei Mahindra Scorpio (ML-04-E- 3839) pakhat chu ringhlelin an lo tiding a. An dap hnuin Methamphetamine ni ngeia hriat Kg 3.910, cheng vb 3.2 vel man hu chu hmuchhuakin an man sak. Guljar Hussain (23), Fatepur Pt-1, Karimganj, Assam nia inchhal chu man a ni.