Aizawl March 31, 2024 : Mizoram sawrkar hnuaiah secretary 28 an awm mek a, chung zinga mi pakua chu hmeichhia an ni.

Department of Personnel & Administrative Reforms (DP&AR)-in a tarlan danin tun dinhmuna Mizoram sawrkar hnuaia secretary 28 awm mek zinga mi 19-te chu mipa an ni a, an zingah mi pahnih chu hnam dang an ni a, a bak zawngte chu Mizo vek an ni.

Mizo hmeichhia tun dinhmuna secretary dinhmun chelh mekte hi an vaiin Mizo vek an ni a, chung mite chu Lalzarmawii, IAS; Esther Lal Ruatkimi, IRS; Sangchhin Chinzah, IAS; K. Lalrinzuali, IAS; Zodingpuii, IAS; Teresy Vanlalhruaii, MCS; Er. Lalhmingliani Hmar, MES; HM. Hualsangi, MSS leh Helen Dawngliani, MJS te an ni.

Mizoram sawrkar hnuaia secretary hnam dang awmte chu Vinay Kumar, IAS leh Syed Musawwir Ali, IAS te an ni.

Secretary dinhmun chelh mekte hi service hrang hranga mite an ni a, IAS an tam ber a, IA&AS awm bawkin, IRS, IRAS, MCS, MF&AS, ICAS, MJS leh MES te an awm bawk.