Aizawl September 2, 2024 : Section 19 of the Mizoram Value Added Tax Act, 2005 (Act No. 1 of 2005) in thuneihna a pek angin Mizoram Governor chuan Mizoram Value Added Tax Act, 2005 (Act No 1 of 2005) chu siamtha in Diesel leh Petrol man chu a ti danglam a, Litre-ah cheng 2 ve ve in a ti sang.

Diesel leh Petrol man tihsan hi September 1, 2024 atanga hman tan turin thuchhuah siam a ni a, heng tuialhthei man tihsan a nih takah hian Diesel atanga VAT lak hi 5.23% atangin 10%-ah a kai chho dawn a, Petrol atanga VAT lak pawh 16.36% atangin 18%-ah a kai chho dawn ta bawk a ni.

S.M. Ali, Secretary to the Government of Mizoram, Taxation Department chuan Memo No.J.19011/2/2020-TAX hmangin August 30, 2024 khan thuchhuah hi a siam a ni.