ZALEN October 16, 2024 : Mizoram Sawrkar chuan vawiin 16.10.2024 hian C. Zodinpuii D/o Lalrinliana (L), Durtlang, Aizawl chu Chairperson, Mizoram State Commission for Women atan a ruat.

C. Zodinpuii hi thiamna lamah MSW, (Family & Child Welfare Specialization), TATA Institute of Social Sciences, Mumbai atanga zir zo a ni a. Sawrkar hna a thawh laiin Social Welfare Department hnuaiah hna hrang hrang heng - Case Worker, Remand Home Superintendent, Residential Institute Training Centre (RITC), Durtlang ah te lo awm tawh.

Directorate of Social Welfare & Tribal Affairs-ah Joint Director in 31.12.2023 ah pension in a chhuak a ni. C. Zodinpuii hi Protection of Women from Domestic Violence Act, 2005 ah Master Trainer a nih bakah Protection Officer in a lo awm tawh bawk.