Mizorama HIV +ve san lai ber ber 2018-19
![](/storage/news/post/2ViPqEoe9YWNsQN78KiHbW27CUR87ZEqv8V4t780.jpg)
Aizawl: Mizoramah kum 2018-2019 kum kha HIV positive san lai ber a ni a, tunhnaiah tlemin ziaawm deuh angin lang mahse hri vei hian ziaawm lam a la pan thei lo.
HIV kai awlsam zawk tura ngaih te leh dinhmun hlauhawma ding mek te tana tanpuina chak zawk leh nasa zawka kalpui dan tur sawihona leh inrawnkhawmna tunhnaia neihah he thu hi sawiin Mizoram State AIDS Control Society hotute chuan Mizorama HIV inkaichhawnna tam ber chu mipat hmeichhiatna (sex) leh ruihhlu ti thin ten hriau an inhmantawm (IDU) atangin a ni tih an sawi a. Kum 2018-19 khan sex atanga HIV kai mi 1520 leh ruihhlo ti thin te atanga kai mi 907 an awm tih an sawi a. Drugs hluarna hmunah HIV inkaichhawng an pung zel tih sawiin drugs hluarna hmun Aizawl, Champhai leh Kolasib district chauh ni thin te kha district dangah pawh damdawi a hluar chhoh zel avangin Mizoram district zawng zawng chu a hlauhawmna hmun 'high priority district' ah a awm ve tawh niin an sawi bawk.
Mizoram State AIDS Control Society hotute chuan a vawikhatna atan kum 1990 a HIV positive hmuhchhuah anih atangin HIV vei chu a sang zawngin a kal char char niin an sawi a. HIV vei te chuan ART (Antiretroviral therapy) damdawi ei thuai thei se an duh thu sawiin hei hian HIV midang laka kai chhawn/ kai darhna a tihniam thei tih an sawi.
MSACS thawktute chuan thalai kum 15 atanga 49 inkar bikah Mizoram chu India rama HIV vei tamna ber a ni tih an sawi a. Kum 15-49 inkar bikah hian India ramah chuan mi 10,000 zela 22 te HIV vei an nih laiin Mizoramah chuan mi 10,000 zela 237 (2.37%) chu hri vei an ni a, national aia Mizoram a HIV vei tamna hi a let 10 in a tam zawk niin an sawi bawk. MSACS thawktute chuan HIV darh zel lohnan theihtawp chhuah a pawimawh tih sawi bawkin kum 2026 ah chuan HIV vei te endawngna awm thin chu tihbo an tum tih an sawi bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024