DOWNLOAD OUR APP

Read latest news on your phone
app-store

Mizorama UN Mission bul tanna tur

Feb 15, 2014

Mizorama UN Mission bul tanna tur

Mizorama UN Mission bul tanna tur February thla chhungin ruahmanna siam dawn Aizawl; Mizoram sorkar nena thawh hona tur kawng dapa lo zin, UN Mission Team te chuan nimin khan Aizawl an chhuahsan ta a. Mizorama UN Mission bul tanna turin, February thla chhung hian ruahmanna an siam dawn a, ruahmanna an siamte chu March thla laihawlah Mizoram sorkar aiawhte nen an thlirho leh ang. United Nations Organisation thil tum pawimawh tak tak, leilung leh a chhehvel boruak venhim leh hengte hi tichhe lova leilung leh ramngaw hausakna hman tangkai te, ei leh bar deh-chhuah tihpun leh mihring khawsakna chawikan te, kut hnathawktu te tana eizawnna him leh ngelnghet siamsak te, tui-hna kangchat mek siam thar leh humhalh te, natna hrileng laka ranvulh te an himna tur te hi Mizoram sorkar flagship programme NLUP thil tum nena thuhmun a nih avang leh heng te hi UN Agency lo kalte hian a hrang theuhva an hmalakna mek a nih bawk avangin hemi kawnga Mizoram sorkar nen thawhhona tur kawng hi UN Agency 4 ten an rawn enfiah a. Hmalakna tura “potential area” te chu deptt. hrang hrang te leh tlawmgai pawlte, mau sawngbawlna lam buaipuitute nen Zirtawpni khan an sawiho tawh a ni. India rama UN Agency hrang hrang te hian hmarchhak state thenkhatah agency mal anga hmalakna an nei nual tawh a. Tun tum hi India rama UN Agency 27 aiawha UN Mission anga hmalakna hmasa ber leh la awm chhun tur a ni a. Hemi atana UN Mission Team hmahruaite hi Agency lian 5 a hotu lawkte an ni nghe nghe. UN Team te hian an haw pahin Sairang-a Venus Bamboo Processing Plant an tlawh nghal bawk.
Share now