December 12, 2022; Mizoram-ah Thosi seh atanga vei theih, Chikungunya vei hmuh chhuah mi 53 an awm tawh a, Lunglei leh Lawngtlai leh Aizawl West district a mite niin, district dangah hmuhchhuah an la awm lo a, thihpui an la awm lo.

Health department thawktute hnen atanga ZALEN thudawn danin, December ni 8, 2022 thleng khan thisen endik 195 awm tawh in, chung atang chuan Chikungunya vei hmuhchhuah 53 an awm a, Lunglei district ah 47, Lawngtlai district ah 4 leh Aizawl West district ah 2 hmuhchhuah an ni tawh.

District dangah erawh Chikungunya vei hmuhchhuah an la awm lo a, rinhlelh endik pawh an la awm lo. Lunglei district ah thisen endik 189 nei tawhin, Lawngtlai district ah endik 4 leh Aizawl West district ah 2 a awm tawh bawk.  

Medical mithiam ten Chikungunya hi Malaria pai Thosi ang nilo Thosi tial, chhun-a mi seh thin a nih thu an sawi a, Chikungunya natna hmuhchhuahte awmna veng ah chuan Thosi chu awm tura ngaih a ni a, chutiang Thosi laka inven leh Thosi inthlahpun theihna hmun tihchhiat te chu invenna pawimawh a nih thu an sawi.

Chikungunya hi khawsik sang tak nei thut, taksa leh tihrawl na, chauh ngawih ngawihna, lu na, luakchhuak leh thak a langchhuak a ni.