Aizawl: Mizorama Kohhran hrang hrang zingah Presbyterian Church of India chuan member an ngah ber.   Tun hnaia Economics & Statistics Department in a tihchhuah ‘Mizoram at a glance 2018 (Mizoram state statistical profile)’ tarlan danin kum 2016-2017 report ang chuan Presbytarian Church of India hian member 6,11,241 neiin biak in 2038 an nei a. Presbytarian dawttu, Baptist church of Mizoram chuan member 1,72,254 neiin biak in 677 an nei bawk a, pathumna UPC (NEI)-in member 1,02,119 neiin biak in 792 an nei bawk.   UPC (NEI) dawtah hian Salvation Army chuan member ngah berin 60525 neiin biak in 405 an nei a, UPC (Mz)-in member 53875 neiin biak in 536 an nei a, Evangelical Church of Maraland-in member 43381 neiin biak in 91 an nei a, Roman Catholic-in member 22649 neiin biak in 159 leh Seventh Day Adventist-in member 15728 neiin biak in 242 an nei bawk a. Hetih lai hian Lairam Isua Krista Kohhran (LIKBK) leh Isua Krista Kohhran (IKK) atangin report hmuh/dawn a ni lo a ni.