Aizawl: Mizorama Covid-19 hri leng mekah variant ngai bak hmuh a la ni lo a, Delta variant vei an la hmu lo.

Mizorama sample endik tawh zingah Delta variant hi hmuh a la ni lo a, kar leh lam hian sample 100 vel endik turin Kolkata-ah thawn leh an tum niin IDSP hotu Dr. Pachuau Lalmalsawma chuan ZALEN a hrilh.

ZALEN-in a biaknaah Zoram Medical College-a Covid-19 enkawltu zinga an hotu, Dr. PC Lalramenga chuan, “Mizoramah virus zirchianna hmunpui kan la nei lo a; mahse, hri kan hmuhte hi phai lamah kan thawn thin a. Tun thleng hi chuan ram dang leh India hmun danga leng Delta Variant ang chi kan la hmu lo a ni,” a ti. 

Dr. Ramenga chuan Mizorama laboratory-te chu virus hmuhna chauh a ni tiin natna tak taka zirchianna tur ‘viral sequencing’ ang chi a la awm lo tih a sawi a. Phai lama hri endik tura an thawn zingah pawh ram danga hri leng ang chu hmuh a la ni lo tih a sawi. Tun hnaia hri kai an pun chak chungchangah Dr. PC Lalramenga chuan nikum lama hri leng ai chuan inkaichhawn a awl deuh zawk chungin a hlauhawm zawk chuang lo niin a sawi bawk.