MIZORAM'S GOT TALENT 2021 WINNER RINDIKA ZADENG

zalenxhg - Nov 28, 2021

Runmawi buatsaih Mizoram's Got Talent (MGT) 2021 chu November 26, Zirtawpni zan khan D&E Auditorium, Hualngohmunah tluang taka zawh fel a ni ta - pakhatna chu Lalrindika Zadeng, Chhinga Veng a ni.

Runmawi buatsaih Mizoram's Got Talent (MGT) 2021 chu November 26, Zirtawpni zan khan D&E Auditorium, Hualngohmunah tluang taka zawh fel a ni ta - pakhatna chu Lalrindika Zadeng, Chhinga Veng a ni. Rindika Zadeng hi mipui vote-ah pahnihna niin, judge te point pek nen belhkhawmin Champion a ni ta a ni - ₹3,00,000 a dawng.
MGT-ah hian audition, quarterfinal leh semifinal-ahte contestant za tel an inthlit fim hnuin, final round-ah contestant 14 an intihsiak leh a ni. Heng finalist te hi Golden Buzzer bakah semi final atanga mi 10 thlan chhuahte an ni. 
MGT-ah hian talent nei tha tak tak an inlan a, a tawpah fingerstyle guitar a thiam em avanga social media-a rawn lar chho em em Chhinga Veng tlangval Lalrindika Zadeng chu winner a ni ta a ni. 
1st Runner Up chu Magic Show ropui leh hmuhnawm chhawp chhuaktu Ozaka Joute, Churachandpur niin, vote hmu hnem ber a ni a, ₹1,50,000 a dawng. Pathumna chu zaithiam Samuel Lalhriatpuia Ralte, Kolasib niin, ₹60,000 a dawng a ni.
Judge te lu a hai
Contestant an that hlawm em avangin judge - Lalnunkunga Sailo, Pensy B. Lalthangliani, Vanlalsailova leh Alan Rinawma te tan pawh a tha ber thlan thiam harsa khawpin an thiam tlang a, mipui kutah result thui tak a innghat a tih theih awm e. 
Finalist te chu - Jonathan Lalawmpuia - pachak, Lalremngheti (Mami) - piano, Supreme - dance, Vanlalduatpuia - mental arithmetic, Joseph Lalchhuanawma - magic, Ruth Lalrammuani - zai, Randy Zorinsanga - flute & harmonica, Vanlalduhawma - Zai, Benjo RK Lalfakmawia - flute, Zomuansanga - violin leh Ramdingliani - zai te an ni - an talent a chhuanawm tak zet.
MGT FINAL RESULT 
Winner - Lalrindika Zadeng, Chhinga Veng
1st Runner Up - Ozaka Joute, Churachandpur
2nd Runner Up - Samuel Lalhriatpuia Ralte, Kolasib

Share now