Aizawl : MJA General Headquarters President Zonunsanga Khiangte chuan MJA chuan inpumkhatna a ngai pawimawh a, chi leh chi, hnam leh hnam inthliarna kawngah inngeih tlang taka awm a ngaipawimawh hle a, hemi kawngah hian mipuite thawhpuina a pawimawh hle a ni a ti. 

Lungsen Post Chanchinbu kum 10 tlin lawmna, Lungsen Chhimveng YMA Hall a neih, H. Lalthansanga kaihhruaiah Khuallian Zonunsanga Khiangte chuan, "Chanchinbu siam hi thil hlawk ber a a ni lova, suma tui hal lutuk ten chanchinbu rei tak an khawih thei thin lo," tiin MJA thupui Mipui tana rawngbawl a nih angin Chanchinbumi ten pawl hrang hrang hmalakna leh mamawh puanzar te, sawrkar hna kallai tih chak leh thil dik lo hailan te a nih angin mipuite thawhpui an mamawh thu a sawi a, chanchinbu mite chu thawkrim tak an ni a, thawhrim piah lamah harsatna hrang hrangkan tawkin kan sutlang thin bawk a ti. 

Zonunsanga Khiangte chuan, "Chanchinbumite hian Isua chhiar tlaka kan ziah a ngai a, thu dik lo leh rintlak lo chhuah kan nih chuan man theih reng kan ni a, fei kibarin kiltin atanga tin ang kan ni a, chuvang chuan chanchinbua thuziak te chu a rintlak a, social media a thuziakte pawh a dik leh dik loh finfiah nan hman tlak a ni," a ti bawk. 

Khualzahawm Laltlanthanga President MJA Lunglei pawhin Chanchinbumite hi kohhran leh khawtlangte beisei angin hun kan nei thei thin lova, khawtlang mipuite pawhin chanchinbu mite chu hriatthiamna sang tak an pek a angaih thin thu a sawi.

Lungsen Post Editor C. Lalremruata pawhin theihtawp chhuaha kum 10 a chanchinbu a kalpui thei chu amah bakah a chenpuite inpekna avang a ni a ti a, mizo thalaite social media a innghat mai lova lehkhabu rintlak chhiar a Pathian rinchhan chunga asawnna kawng zawh turin thalaite a chah a ni.