Aizawl March 30, 2024 : Vawiin khan kum 2022-2024 a Mizoram Journalists' Association hruaitu te chuan kum thar 2024-2026 chhunga hruaitute hnenah charge an hlan.

Charge inhlanna hi Aizawl Press Club-ah neih a niin President ah hian a ngai C. Lalrambuatsaiha a ni a, Vice President kalchhuak Lalremsiama chuan Vice President thar C. Lalhmachhuana hnenah charge a hlan a, Treasurer kalchhuak C. Lalhmachhuana chuan Treasurer thar Lalrinmawia Sailo hnenah charge a hlan bawk.

MJA elected OB te hian an thawhpui tur General Secretary atan K. Zothanpara, Secretary 3 - Lalnunzira Chawngthu, H. Lalchhandama leh Samuel Lalruatsanga bakah Executive member 5 - Lalremsiama, K. Zabiaka, K. Zothankhuma, Lalhmachhuana Zofa leh Lalramdinsanga te an ruat.