December 16, 2023; Home Minister K. Sapdanga'n, chanchinbu chu politics-a a keuna a nih thu leh ram rorelna pawimawhzia a hriatna a nih thu a sawi.

Vawiin a MJA General Headquarters in an member MLA/Minister a tlingte chawimawina hun an hmanah he thu hi sawiin, K. Sapdanga chuan MJA-in lawmpuina leh chawmawina an hlan chu hlu a tih thu a sawi a, MJA-a an inthlunkhawmna chu a ngheh thu a hlut thu a sawi.

"Chanchinbu hi politics-a ka keuna a ni a, ram rorelna pawimawhzia ka hriatna a ni. Kan senior ten ram an vei em em a, chu chuan politics-a lut tur leh ram hruai hna thawh duhna nei turin min kaihruai a ni," K. Sapdanga chuan tiin, "

Chanchinbumite hi Home department nen kan thawhho nasat a ngai dawn, a chhan chu mipui rawngbawl tur chuan mipui zirtir nasat a ngai dawn. Social reform lamah tan kan la dawn a, theihtawp chhuaha min thawhpuia min thláwp turin ka ngen che u a ni," a ti bawk.

Home Minister hi Prominent Journalist a puan tawh niin, MJA president pawh lo ni tawh a ni.