Aizawl; Nimin khan Aijal Club-ah “MLTP Act hlih a nih hunah chuan...” tih thupui hmangin ‘ZORAM TITI’ neih a ni a. Zu khap burna dan hlih a nih huna nghawng thalo awm thei lakah sorkar, koh-hran, chhungkua leh tlawmngai pawlte hmalak dan tur chungchangte bakah sorkarin eng-tinnge sum lakluhna atana a hman tangkai theih dan tur tihte sawiho a ni. Sawitu tam ber chuan sorkarin dan tha a siam rualin a kenkawhna lamah a tih tak tak tul an tih thu an sawi. Kohhran chuan zu ruih chingte chu hmangaih takin kohhran atanga tla hla lo turin buaipui se tihte leh chhungkua atanga tan fuh a pawi-mawh dante bakah tlawmngai pawlte mawhphurhnate sawiho a ni a. Sawi hawngtu zinga pakhat Professor Tlanglawma chuan, zu man chu sang lutuka siam avangin sorkarin a hlawkpui chuang dawnlo niin a sawi a. A awm tawka man bithliah thiam a tul a tih thu a sawi.