ZALEN Feb 20, 2025 : Mizoram Maxi Cab Owners Association chuan Maxi cab rate revise sak turin sawrkar an ngen.

Vawiin khan MMCOA office, Chaltang-ah extended committee neiin resolution chi hrang hrang an pass a, chung zingah chuan Aizawl khaw chhunga thingtlang atanga zan riaka lo kal thin te tan night parking mumal tak a awm theih nan sawrkar chu hmalak sak turin an ngen.

Hei bakah hian permit pawh nei loa passenger phur thin an awm nia sawiin ti tawp turin sawrkar an ngen a. Chhun lama dinna tur parking/stand siam sak turte, All Mizoram maxi cab permit pe tur leh VLTD man tlawm zawk tih sak turin sawrkar an ngen bawk.